Anaitasuna gizonen talde nagusiak Imanol Galarreta fitxatu du denboraldiaren amaierara arte. 22 urteko jokalariak bi hegaletan jokatzeko gaitasuna du. Beasaindarrak Realean egin ditu bere ibilbideko urte gehienak, baina handik kanpo ere aritu da. 2018-2019 denboraldian, bere herriko taldean aritu zen, Beasainen; 2021-2022 denboraldian, berriz, Barakaldon jokatu zuen.
Galarreta, Alex Rodriguez getariarrak utzitako hutsunea betetzera dator; izan ere, Rodriguez eta Anaitasuna akordio batera iritsi ziren joan den astean hegaleko jokalariak gorritxoekin zuen lotura eteteko. Anaitasunak eskerrak eman nahi dizkio Rodriguezi klubean egin dituen bi denboraldietan eman duen guztiagatik.
