Hirugarren Mailako taldeak joan den asteburuan Santutxun (Bilbo, Bizkaia) hasi zuen bigarren fasea, eta gorrixek 3 eta 1 galdu zuten. Jon Letamendia izan zen taldeko golegilea. Emakumeen Euskal Ligako taldeak, bestalde, atsedenaldi astea izan zuten. 1go Erregionalen zein jubenil mailako bi taldeen partidak bertan behera gelditu ziren COVID-19a tarteko.
Ohorezko kadete mailako mutilek, aldiz, 3 eta 1 menderatu zuten San Juanen Urola taldea. Bingen Aranbarrik birritan eta Unai Leirok egin zituzten Anaitasunaren golak. Ohorezko Kadete mailako neskek, bestalde, 0 eta 4 galdu zuten etxean Zumaiakorekin. 1go kadete mailako mutilek, azkenik, 2 eta 1 galdu zuten Mutrikun (Gipuzkoa) Burumendi taldearen kontra. Oier Aldazabalek egin zuen gorrixen gola.