Puntu bat batu du Anaitasunak Errenterian

Talde sendoa aurkitu zuten aurrean Igor Quindosen mutilek eta asko sufritu zuten Fanderia futbol zelaitik puntu bat ateratzeko

Anaitasunak hutsean berdindu zuen Errenteriako Fanderia futbol zelaira egindako bisitan Touring taldearen aurka. Zelai zaila eta aurkari sendo eta serioa aurkitu zituen aurrean. Lehen zatiko lehen minutuak etxekoenak izan ziren, baina harik eta atsedenaldira iritsi arte Quindosen mutilek jarritako erritmoan joan zen partida. Gainera, Mikel Arzalluzi etxekoen atezainak egindako penalti bat ere ez zuen adierazi. Bigarrenean gehiago kostatu zitzaion taldeari arriskua sortzea eta etxekoek aukera garbiak izan zituzten hiru puntuak lortzeko. Anaitasunak ere izan zuen amaierara iristeko minutu gutxiren falta bere aukera. Ioritz Mendizabalek area barrutik egindako jaurtiketak langan jo zuen, ordea.