Reinosako Nazioarteko XX. Txapelketa jokatu zuten joan den larunbatean Reinosan (Kantrabria, Espainia) 100 jokalarik; horietatik zortzi Maisu Handiak ziren, lau Nazioarteko Maisuak eta 84 nazioarteko rankinga zutenak. Li Ming Pen xakelari ukrainarrak irabazi zuen txapelketa, 75,5 punturekin, eta haren atzetik sailkatu ziren Suarez eta Tejedor. Azkoitiarrei dagokienez, Manuel Paredes, Jose Joaquin, Imanol Larrañaga eta Anibal Fernandezek parte hartu zuten, eta txapelketa ona egin zuten. Hain zuzen, Jose Joaquinek saria jaso zuen Fide Sariko rankingeko 1900 baino gutxiagoko jokalaririk onena izan zelako. Fernandez, berriz, Fide rankingeko 1800 baino gutxiagoko jokalaririk onena izan zen, eta hark ere saria jaso zuen. Gure jokalariek arrakasta izan zuten, beraz.
Bestalde, hilaren 19an eta 21ean hasiko dira Anaitasuna Xake Eskolako saioak, 17:30ean, eta xakelariak orduan hasiko dira taldeak osatzen zein datorren denboraldirako eskola kirolean izena ematen.
Hilaren 24an, berriz, Blitz Anaitasuna Txapelketa jokatuko dute, bost minutuko partidekin. Dagoeneko hamar lagunek eman dute izena, eta txapelketak urteko azken hilabeteei aurre egiteko erritmoa hartzen lagunduko die gure kideei. Abenduaren 3an jokatuko den San Andres Txapelketarako antolakuntza lanak, berriz, oso aurreratuta doaz, eta 16 lagun daude izena emanda.
2024rako, bestalde, Gipuzkoako ligan lehiatzeko bi talde sortzea aurreikusten dugu, interesa duten jokalarien kopurua handitu egin baita; beraz, Preferente eta Hirugarren mailetan egongo gara.
