Azkoitiko Kirol Sareak hirugarren bilera egin zuen ostegunean, eta honako gai zerrenda hau landu zuen. Era berean, aurrera begira hainbat gauza adostu zituzten.
Gai-zerrenda:
1.- UGA gimnasioaren aurkezpena
2.- Azkoitiko Kirol Sarea, Azkoitia 700 ekimeneko Kirol, Kultura eta Euskara batzordera atxikimendua.
3.- Otsailak 2, Triatloi Solasaldia
4.- AKS eta Elkarte zein norbanakoen artean antolaturiko ekintzen diru laguntza iturriak.
5.- Diagnosi galdetegiaren emaitzen aurkezpena
6.- Emaitzen araberako akzio planaren definizioa
7.- Zalantzak eta galderak
Bileran adostutako gaiak:
1.- Komunitateko elkarte guztiei, Azkoitiko Kirol Sarea eta Azkoitiko Udalaren arteko harremanak nolakoa izatea nahiko luketenaren inguruan galdeketa bat egingo zaie.
2.- Elkarte edo norbanakoek, ekintza zehatzetarako boluntarioak behar dituztenean, AKSra jo dezakete aurrerantzean. Eredu bat osatuko da Google Inprimakiaren bitartez. AKSko Whatsapp komunitatearen bitartez zabalduko dira deialdiak.
3.- AKS, kirol jarduera eta ekitaldi zehatzen egutegia osatzen ahaleginduko da, elkarteekin elkarlanean.
Bestalde, aurrerantzean honako lotura honetan egongo dira ikusgai bilera guztietako aktak.