Azkoitiko GKSk antolatuta, buru osasunaren inguruko hitzaldia izango da ekainaren 16an, Elkargunean. Kultura kapitalistaren eragina gazteon buru osasunean izenburupean eskainiko dute solasaldia.
Gazteon artean buruko gaixotasunen kasuak areagotzen ari dira azken urteetan zehar (depresioa, antsietatea…). Instituzioek eta komunikabideek arazo hori ikusaraztearen beharraz hitz egiten duten arren, fenomenoa erreproduzitzen duten kausa sozialak ezkutatzen dituzte (gure arteko lehiakortasuna, indibidualismoa, etorkizunarekiko segurtasun eza…), horiek sistema kapitalistaren funtzionamenduari ohikoak zaizkion ezaugarriak dira. Gainera, norbanakoaren gainean jarri ohi da ardura guztia. Zergati horiek seinalatu eta gizakia erdigunean jarriko duen gizartea eraikitzearen beharra azpimarratzea izango du helburu hitzaldiak.