Gipuzkoako Bertso Eskolen Eguna ospatu zuten atzo, igandea, Aretxabaletan. Egun horren baitan, eskolarteko Gelatik Plazara bertso txapelketako bi final jokatu zituzten. Finaleko bat Urola Erdiko taldeak irabazi zuen, Ane Peña, Greta Etxaniz, Nora Arrizabalaga azkoitiarrek eta Mikel Zabala errezildarrak osatutakoak. Beste finala, berriz, Villabona-Asteasuko taldeak irabazi zuen.
Joanes Azpillaga azpeitiarrak eta Erniarraitz bertsozale elkarteko kideak jantzi zizkien txapelak Urola Erdiko taldekideei. Azpillaga Gipuzkoako Eskolarteko Bertso Txapeletako txapeldunordea da, eta Euskal Herriko Eskolarteko Bertso Txapelketako finalean ariko da ekainaren 15ean, Arantzan (Nafarroa).