Atzo arratsaldean ekin zieten Floreaga auzoko festei. 19:00etan bota zuten suziria, eta afalostean, 22:00ean hasita, mus txapelketa jokatu zuten auzoko tabernan. Mikel Garcia eta Iñaki Etxebeste izan ziren musean onenak, eta haientzat izan zen sari nagusia: txapela eta 300 euro. Lehiaz harago, giro ederra sortu zen txapelketaren bueltan.
Atzokoak eginda, maiatzaren lehenean emango diete segida festei, hura izango da egun handia, eta urtero bezala, Gurutzetxoko krosa izango da hitzordu aipagarriena. Gainera, aurten 40 urte beteko ditu urtero dozenaka ume eta gaztetxo elkartzen dituen festa giroko kirol hitzorduak. 11:00etan hasiko da krosa, baina korrika egin nahi dutenek 09:30etik 10:45ak bitartean eman beharko dute izena tabernan.
Asteazken arratsaldean, berriz, puzgarriak, apar festa eta buruhandiak izango dituzte Floreagan, festa egun nagusia borobiltzeko
Hona hemen, maiatzaren 1eko egitaraua:
Maiatzaren 1a, asteazkena
- 11:00. 40. Gurutzetxoko krosa.
- 15:00. Puzgarriak eta apar festa.
- 18:00. Buruhandiak.
- 20:00. Festa amaiera.