Geroz eta gertuago dago Maiatzaren Lehenengoa, Langilearen Eguna, eta LAB sindikatuak egun osoko egitaraua antolatu du egun horretarako Iruñean. Manifestazioa egingo dute Gaztelu enparantzatik abiatuta, eta bazkaria eta kontzertuak ere eskainiko dituzte. Hori dela eta, autobusak antolatu dituzte bertara joateko eskualdeko herrietatik, tartean Azkoititik.
Autobus geltokian jarri dute hitzordua, 9:00etan, eta 19:00etan aurreikusi dute itzulera. Prezioa 10 eurokoa izango da, eta interesa dutenek Zurten eman beharko dute izena.
Dokumentalaren aurkezpena Zumaian
LAB sindikatuak 50 urte bete ditu aurten, eta ibilbidea biltzen duen Eskuz esku. LAB zabaltzen dokumentalaren eskualdeko aurkezpena egingo dute hurrengo asteazkenean, hilak 24, Zumaiako Aita Mari antzokian. 19:00etan izango da hitzordua.
Dokumentala hilaren 8an estreinatu zuten Bilboko Euskaldunan, eta harrezkeroztik beste 32 lekutan ere bota dute. Zuhaitzaren metaforaz baliatuta, sindikatuaren sorrera, garapena eta zabalpena landu ditu dokumentalak, eta hainbat eta hainbat testigantza bildu dituzte bertan.