Itzulia Azkoititik igaroko da bihar arratsaldean, eta eragina izango du trafikoan. Lasturtik 14:40 aldera iritsiko dira lehen txirrindulariak Madariaga auzora, eta handik Azkoitira jaitsiko dira 14:50 alderako, ondoren Gorlatik Bergara aldera joateko. Ondorioz, gutxi gorabehera 14:30etik 15:30era, Azkoitia eta Urretxu arteko GI-631 errepidea itxita egongo da. Halaber, eragozpenak sor daitezke Elgoibarrera doan GI-2634 errepidean ere, txirrindulariak Aittolatik Azkoitira jaitsiko direlako.
Biharkoa Itzuliaren 63. edizioko seigarren eta azken etapa izango da. Eibarren hasi eta bukatuko da, eta 137,9 kilometroko ibilbidea eginez, zazpi mendate zeharkatuko dituzte txirrindulariek.