Ostegunean egingo dute apirilaren 21ean izango diren Eusko Legebiltzarreko hauteskundeetarako mahaikideen zozketa. 09:00etan egingo dute hautesmahaiak osatzeko zozketa, eta ondoren, eguerditik aurrera izango dute herritarrek emaitzak ikusteko aukera, Azkoitiko Udalaren webgunean.
Emaitza ikusteko NA zenbakia sartu beharko da, eta sistemak automatikoki esango dio herritarrari mahaian egon beharko duen ala ez. Erantzuna baiezkoa bada, beharrezko informazio guztia ere emango zaio erabiltzaileari. Halaber, mahaian egotea egokitu zaienei etxera ere bidaliko zaie jakinarazpena.