San Jose egoitzako jaiak ospatzen ari dira gaurtik ostiralera bitartean, eta hango egoiliar eta kideek askotariko ekintzak izango dituzte bost egunetan, hala nola jan-edan saioak, musika emanaldiak zein udal ordezkarien eta ikastetxetako ikasleen bisitak.
Goizean hasi dituzte festak, Olinpiadekin, eta arratsaldean, seiko urre txapelketa jokatuko dute. Bihar, berriz, San Jose eguna ospatuko dute egoitzan, eta hainbat jarduera izango dituzte han: meza eta Iñaki Basabe abeslariak eta Kike Perez biolin joleak girotutako bazkaria, besteak beste.
Gainera, asteazkenean Korrika Txikia egingo dute egoiliarrek, 12:00etan hasita. Horrez gain, Sendiaren Egunarekin borobilduko dituzte jaiak, eta egun horretan pintxo tailerra zein senideekin askaria egingo dituzte-
Ohi bezala, Floreaga ikastetxeko, Bizilore Eskola Aktiboko, Xabier Munibe Ikastolako eta Bizkargi musika eta dantza eskolako ikasleak ere bisitan joango dira datozen egunetan, egoitza kantuz, dantzaz eta bertsoz girotzera.