23. Korrikaren atarian, AEK-k petoak banatuko ditu bihar, asteartea, Azkoitian. AEK-ko kideak 19:00etatik 20:00etara artean arituko dira horretan, eta herritarrek Azkoitiko AEKren bulegoan —Kultur Etxeko laugarren solairuan— eskuratu ahal izango dituzte Korrikarako petoak.
Martxoaren 14tik 24ra ospatuko da 23. Korrika, Harro herri lelopean, Irundik (Gipuzkoa) Baionara. Azkoitira, berriz, martxoaren 20an, asteazkenez, iritsiko da. Hain zuzen, azkoitiarrek 05:26 inguruan inguruan hartuko dute lekukoa, azpeitiarren eskutik. Herria zeharkatu ondoren, Elosutik irtengo da Korrika, Bergararantz.