Herri ingurua ezagutzeko eta lagun giroan mendi irteerak egiteko, Gure txokuk ezautzen izeneko ekimena jarriko du martxan bigarrenez Anaitasuna Mendi Bazkunak. Iaz bezala, hileko azken larunbatetan egingo dituzte mendi irteerak, eta Urtezahar egunerako antolatu dute lehen ibilaldia. Kakuetara igoko dira egun horretan mendizaleak, 08:30ean Balda plazatik abiatuta. Kakuetako gurutzera igo ostean, txabolan hamaiketakoa egingo dute trikitilarien konpainian. Halaber, Anaitasuna Mendi Bazkunak bat egingo du egun horretan Buruzai eta Trekutz proiektuen aurkako aldarrikapenekin, Oletan ere ez! plataformarekin batera.
Gure txokuk ezautzen ekimenaren baiten irteera gehiago ere izango dira, baina Anaitasuna Mendi Bazkunak adierazi du aurrerago zehaztuko dituela irteera horien nondik norakoak.