Portaleburu aretoan bere lehen erakusketa zabaldu ondoren, Nerea Bilbao margolariarekin hitz egin du Maxixatzenek. Bermeotarra (Bizkaia) da bera, baina hogei urte baino gehiago daramatza Azkoitian bizitzen. Haurra zela, Bermeon bertan hasi zen margotzen Bilbao, baina Azkoitira etorri zenean berrekin zion atzean utzitako mundu horri. Udane Juaristi artistaren laguntzarekin hasi zen berriz margotzen, eta Bilbaok dio "mundiala" dela harekin lan egitea, "bizitza aldatu" baitio.