Espainiako Gorteetarako bozen kanpaina martxan da, eta horren erakusle da EAJren Gipuzkoako hautagaiek gaur goizean Azkoitira egin duten bisita. EAJren udal ordezkariekin batera kalean izan dira Maribel Vaquero, Joseba Agirretxea eta Josu Arraiz Kongresurako hautagaiak eta Luke Uribe-Etxebarria, Mercedes Garmendia eta Rafael Uribarren Senaturako zerrendakideak. Herriko kaleetan zehar ibili dira politikariak gaur goizean, eta besteak beste, Elkargunea eta Trenbidearen Zumardian aurten kokatu duten Julene Urzelairen bustoa bisitatu dituzte horiek guztiek.
