Mikel Arzalluz futbol jokalari azkoitiarrak Gernika taldean jokatuko du datorren denboraldian. Gernikako (Bizkaia) futbol taldeak atzo, astelehena, iragarri zuen haren fitxaketa sare sozialen bidez.
Asturiasko (Espainia) Langreo taldean jokatu du azken denboraldia Arzalluzek, eta maila onean aritu da; izan ere, Langreok Bigarren RFEF Mailari eusteko balio izan dute azkoitiarrak han egin dituen hamar golek. Gernika futbol taldeak sare sozialetan adierazi duenez, "beste eskaintza batzuk baztertu" ditu Arzalluzek uda honetan, gernikarrekin fitxatu ahal izateko.
2021eko udan atera zen Arzalluz Anaitasuna futbol taldetik Getxoko (Bizkaia) Arenas taldera. Lau gol egin zituen talde horretan, eta iaz Langreorako bidea hartu zuen. Kategoria berean, baina maila bat gora eginda aritu da Langreon futbolari azkoitiarra.