Anaitasuna futbol taldea afizionatuen mailako Espainiako Kopa Txapelketa irabazi zuen duela 5o urte gaurko egunez, uztailak 8. Horren harira, erakusketa zabaldu zuten atzo, ostirala, herriko plazan dagoen Portaleburu erakusketa aretoan.
Besteak beste, duela bost hamarkada ateratako argazkiak ikusi eta egunkarietako kronikak irakur daitezke han; izan ere, 1973ko uztailaren 8an afizionatuen mailako Espainiako Kopa Txapelketa irabazi zuen Altzibarko futbol zelaian, Cacereño taldeari 4-1 irabazita.
Gaur, zapatua, 18:00etatik 20:00etara arte egongo da zabalik erakusketa arratsaldean, eta bihar, igandea, 12:00etatik 14:00etara arte.