Gaur, zapatua, jokatu dituzte 51. Azkoitiko Txikito pilota txapelketaren finalak, Gurea pilotalekuan. 10:00etan hasita, benjamin aurrekoetako, benjaminetako, kimuetako eta haurren mailako binakako lau final jokatu dituzte. Aurten, inoizko parte hartzerik handiena izan du txapelketak, Oteiza pilota elkarteak adierazi duenez; 66 pilotarik parte hartu dute eta 70 partida jokatu dituzte, guztira.
Txapelketako zortzi bikote onenek jokatu dituzte gaur goizean finalak, eta txapelketaren irabazleak erabakita gelditu dira:
- Benjamin aurrekoetan (2015ean jaiotakoak), Intza Orozko eta Haize Aramendi izan dira txapeldunak, Nahia Astigarragari eta Julen Oteizari 16 eta 14 irabazita.
- Benjamin mailan (2013 eta 2014 urteetan jaiotakoak), Ekain Aramendik eta Jon Azpiazuk 16 eta 13 irabazi dute, Oihan Camposen eta Eddy Romeroren kontra.
- Kimuen mailan (2011 eta 2012 urteetan jaiotakoak), Zuhaitz Vela eta Ekain Juaristi izan dira irabazleak, Denis Santosi eta Aratz Orozkori 16 eta 14 gailenduta.
- Haurren mailan, berriz, 18 eta 13 irabazi dute finala Unax Irulegik eta Erik Ariztegik Alex Espadaren eta Pello Alkortaren kontra.