Hondartzarako eguraldirik ez dago gaur, baina bai hondarrarekin jolasteko. Hain justu, Azkoitiko Udaleko Gazteria Sailak antolatuta, hondarrezko eskulturak egiten nahiz hondarrarekin trebatzen aritu dira goizean zenbait haur, Elkargune alboko Aita Madinabeitia plazan. Hondarrezko eskulturak egiten ikasteko abagunea izan dute haurrek nahiz gaztetxoek plazan, Andoni Bastarrika artista azpeitiarraren eskutik. Talde txikietan banatuta, itxura eta forma guztietako irudiak osatu dituzte haurrek han.
Arratsaldean, berriz, burbuila piloten saioan parte hartzeko aukera izango da Elkargunean, 16:30etik 19:30era bitartean. Bertan parte hartu ahal izateko, ezinbestekoa izango da gutxienez 1,40 metro neurtzea.