Gaia: Urdinduz
Doinua: Lurraren pean sar nindaiteke.
Gizarte hontan ezin delako
baztertuta inor laga
bandera urdinak zabaldu dira
herrian hona ta hara
honen xedea autismoaren
bistaratzea baldin bada
denon artean eman dezagun
horretarako bultzada
desberdintasun baten barruan
denok berdinak baikara.
Gizarte honek ez du kontutan
hartzen denen ingurua
pertsona oro bistaratzea
da beraren helburua
kide bakoitza bihurtu dadin
bestearen eredua
eraiki daigun mundu lasai bat
guztiontzat segurua
denon artean, denok urdinduz
berdinduko da mundua.