Urola Erdiko Kontseilu Sozialistak oinarrizko produktuen bilketa egingo du ostegunetik zapatura bitartean. Zestoan, Azpeitian eta Azkoitian bilduko dituzte produktuak hiru egun horietan: Zestoan, Gesalaga kalean; Azpeitian Juan XXIIIeko eta Sanjuandegiko Eroski saltokien atarian; eta Azkoitian BM eta Eroski txikiaren kanpoaldean.
Ostegunean 17:00etatik 20:00etara jarriko dituzte produktu bilketarako postuak, eta ostiralean, berriz, 10:00etatik 13:00etara eta 17:00etatik 20:00etara. Larunbatean, aldiz, 10:00etatik 13:00etara gauzatuko dute bilketa.