Azkoitiko Udalak, Eudel udalen elkarteak egindako deialdiari jarraituz, Ukrainako herriari elkartasuna adierazteko elkarretaratzea egin du eguerdian. "Errusiak Ukraina inbaditu zuenetik" lehen urtea bete dela-eta, udaletxearen aurrean elkartu dira EAJko eta PSE-EEko hainbat zinegotzi eta herritar.
Plazan bildu direnek "gerrako biktimei, desplazatutako pertsonei eta Ukrainiako herriari elkartasuna" adierazi diete. Hain zuzen, guztiek bost minutuko elkarretaratze isila egin dute horretarako.