Egilea: Greta Etxaniz
Herri honetan gogotsu gatoz
Santa Ageda bezperan
limosna jaso ta gordetzeko
daukagun mantal gainean
Aspalditikan ospatzen dugun
festa eder da polita
koplak abesten gabiltza denok
alai karrikaz-karrika
Baserrietan sortu zen eta
kaleraino iritsi da
atzerritarrek ez jakin arren
festa oso ederrak dira
Euskal Herrian dago ohitura
bertso asko abesteko
eta festa bat hemen daukagu
Santa Ageda ospatzeko
Egilea: Garazi Larrañaga
Gaur Santa Ageda bezpera degu
tokatzen da kantatzea
Azkoitiako jendearentzat
kopla batzuk kantatzea
Baserritarrez jantzita goaz
eztarria berotzera
makilak hartu eta bagoaz
kale denak esnatzera
Etxerik etxe eta baserriz
limosna pixkat lortzera
zakua hartu eta bagoaz
orain dena betetzera
Zakua bete degu ederki
eta bagoaz etxera
hurrengo urtean berriro ere
hementxe izango gera
Egilea: Markel Caballero
Santa Ageda degu bihar da
gaur haren bezpera gaua.
Etxerik etxe kantari goaz
irabazteko dirua
Makilarekin lurrean joaz
eta kantuak abesten
lagunarekin kaletik goaz
diru asko irabazten
Kaletik bertso asko abestuz
etxean guk laguntzeko
faktura garesti dago eta
behar dugu ordaintzeko
Baserritarrez goaz jantzirik
Santa Ageda delako
makila txapel, abarkak eta
zakua diruantzako
Egilea: Nora Arrizabalaga
Kopla kantari gabiltza hemen
Santa Ageda bezperan
bildu, kantatu ondo pasatu
lehen ziren denen eran
Aspalditikan ospatu ohi da
Santa Ageda bezpera
makilarekin lurra esnatuz
kantatzeko biltzen gera
Ze ondo pasatu ohi degun guk
limosnarekin kantatzen
etxe batera joan kantatu
eta limosna eskatzen
Lehen askotan egiten ohi zen
joan kantatu ta jaso
jarrai beharko nahi badegu
izan hurrenen arbaso
Egileak: Oier Juaristi eta Unax Etxaniz
Otsailak laua egun polita
guk kantatzeko eguna
makilak hartu ta zabaltzera
munduari maitasuna
Ondo kantatu dirua lortu
hori izaten da ona
poz pozik jartzen saiatzen gera
bai aitona ta amona
Leihotik irten eta ikusi
gazteak ondo kantatzen
umik pozteko ibiltzen gera
makilaz gu lurra jotzen
Elkartu gara goizean goizo
denok ondo pasatzeko
espero balio izatea
zuei eguna pozteko
Egilea: Nora San Juan
Bihar da Santa Ageda baina
gaur degu lurra kolpatu
makillakekin lurra joaz guk
lurra degula esnatu
Ume guztiak dabiltz kantari
poza zabaltzeko asmoz
urte guztian daramatzate
kantuz irteteko gogoz
Bihar guk degu Santa Ageda
ta gaur gatoz kantatzera
horretarako kalerik kale
gogotsu etorri gera
Egileak: Amets Karrera eta Denis Aramendi
Jada heldu da Santa Ageda
eta gatoz kantatzera
makilarekin lurra kolpatuz
orain gatoz ospatzera
Kaletik gabiltz bertso kantari
gu poza zabaldu nahian
bertsoak egin eta kantatuz
Santa Agedako jaian
Santa Ageda ospatutzeko
gabiltza bertso kantari
Santa Ageda bere omenez
kolpeak jotzen lurrari
Egilea: Maddi Arrieta
Laster dator Santa Ageda
preparau zure makila
Azkoitin zehar erten kalera
baserri batzuen bila
Egileak: Ane Alberdi eta Jone Elorza
Gaur kantari gatoz gu honuntz
gure makilak hartuta
lurra esnatutzeko garaia
aurten e heldu zaigu ta
Egileak: Noa Brea eta Intza Ibarzabal
Otsailak laua aurten ere
guztioi heldu zaigula
aurten kantuan egiteko guk
gogo handia degula
Santa Ageda erabiltzen zen
bikoteak ezkontzeko
gaur egun soilik erabiltzen da
diru pixka bat biltzeko
Gaur egunean makilakin jo
esnatzeko gure lurra
bertsolariak abestuko deu
zuen aurrean agurra
Baserritarrak sua pizteko
erabiltzen du egurra
hotz haundia gaur badago eta
hotzikan dago txakurra
Egileak: Ane Peña eta Intza Ibarzabal
Santa Ageda heltzen hari da
prest baserrita joateko
eztarriak prest izan beharko
egun hontan kantatzeko
Etxe zahar honek fama omen du
txokolate onagatik
pusketatxo bat atera guri
ongi kantatzeagatik
Nere sudurra kriston ona da
ta antzeman txorizoa
zuk nei ematen dizun `pusketa
egon behar du gozoa
Ongi pasatu dut nik gaurkoan
eskerrak denagatikan
urte hontako eguntxo hau da
Santa Agedagatikan