Bihar, larunbata, azken 40 urtetan Azkoitiko Udaleko Kirol, Kultur eta Festa teknikaria izan den Jexux Arrizabalaga Tata omenduko dute herriko zenbait elkartek eta lagunek. Azken lau hamarkadetan egindako lana eskertzeko egingo diote omenaldia hari Andre Mariaren Jasokundeko parroki elizan, 13:00etan. Omenaldi ekitaldia irekia izango da, eta besteak beste, musikaz eta dantzaz gozatzeko aukera izango da.
1984tik da Arrizabalaga udaleko Kirol, kultur eta Festa teknikaria. Azken hilabeteetan, herriko kirol eta kultur elkarteen omenaldi asko jaso ditu hark, baita udalarena ere. Halaber, Azkoitiko helduen eta haurren danborrada antolatzen duen elkarteak ere haren izena eramango du aurrerantzean.
Honako lotura honetan irakur daiteke Nerea Uranga kazetariak Jexux Arrizabalaga Tatari ekaineko Maxixatzen aldizkarian egindako elkarrizketa.