La Caixa fundazioaren LabEmprende izeneko autobus interaktiboa Azkoitian da. Ikasleei zein bisitariei ekintzailetzaren kontzeptua zer den azaltzea du asmo nagusia autobusak, eta eliz atarian egongo da egunotan. Ikastetxeetako zenbait ikaslek goizean goiz bisitatu dute autobusa, baina bestelako norbanakoentzako ere irekita egongo da autobusa.
Tailer interaktiboa eta multimedia gunea duen laborategia du barruan autobusak, eta bisitariek ekintzailetzaren ezaugarriak zein balioak ikusteko aukera izango dute. Gainera, hainbat jarduera eginda prozesua bertatik bertara esperimentatzeko gunea ere badu autobusak.