Laster hasiko dute 2022-2023 ikasturtea Azkoitiko Helduen Eskola Publikoan, eta matrikula egiteko aukera izango da gaurtik hasi eta irailaren 15era bitartean. Izena emateko 943-85 03 99 telefonora deitu edo 012760aa@hezkuntza.net helbide elektronikora idatzi dezakete interesdunek. Era berean, izena emateko aukera izango da Azkoitiko HEPen ere (Bizenta Mogel kaleko 4. zenbakia), 10:00etatik 13:00etara.
Datorren ikasturtean honakoak izango dira eskainiko dituzten ikastaroak: DBHko titulua lortzeko ikastaroa, euskara, ingeleseko lehen maila, irakurketa zein idazketa garapena, atzerritarrentzako espainiera eta Espainiako nazionalitatea lortzeko azterketarako prestakuntza.