Festen bi urteko etena ederki enpaztu dute gaur Aizpurutxon. San Agustin eguna ospatu dute auzoan, Itziar jatetxean bertso-bazkaria eginez. Festa giro ederra sortu da otordura batu direnen artean, eta bazkalostean, Iker Zubeldia eta Iban Urdangarin bertsolariek jardun dute kantuan. Soinurik eta panderorik ere ez da falta izan, ezta trikitilari iaiorik ere, eta trikitilariek girotuta hainbat piezekin gozatu dute bertan bildutakoek.
Bazkaltzera bildutakoen artean bi txuleta zozkatu dituzte Itziar jatetxekoek. Txuletak haien pisura gehien gerturatu direnek eraman dituzte.
