Pandemiak eragindako egoeraren ondorioz, azken bi urteetan ez dute Itziar, Deba eta Aittola arteko irteerarik egin Plaza Ondo jubilatuen elkartekoek. Aurten, ordea, Andremari jaien ostean egiteko ohitura duten egun osoko irteera egiteko aukera izan dute. Ostegunean, hilaren 25ean, egin zuten egunpasan 48 lagunek parte hartu zuten. Autobusez Itziarrera joan, han hamarretakoa egin eta Debara joan ziren pasiera egitera. Gero, denak Aittolan elkartu ziren bazkaltzeko. Giro ederrean ibili zirela azaldu dute Plaza Ondokoek.