Atzo iluntzean jokatu ziren Zumaiako Aitzuri pilotalekuan 50. Dinastia Etxabe pilota txapelketako finalak. Azkoitiko Oteiza pilota elkarteko Mikel Aranbarrik eskuz jubenilen mailako txapela jokatu zuen, Bernaolarekin bikotea osatuta, Apezetxearen eta Peñalverren aurka. Ezin izan zuen, ordea, pilotari azkoitiarrak txapela etxeratu, 19 eta 22 galduta. Lau pilotariek gogotik lehiatutako goi mailako partida on eta gustagarria jokatu, eta 635 pilotakadako norgehiagoka eskaini zuten.
Eskuzko jubenil mailako partidaren markagailu ibilbidea honakoa izan zen: 5-0, 5-1, 8-1, 8-6, 9-6, 9-8, 12-8, 12-11, 13-11, 13-12, 15-12, 15-15, 16-15, 16-18, 18-18, 18-20, 19-20 eta 19-22 Apezetxea eta Peñalverren alde.
Aranbarrik zortzi tanto egin zituen eta bost galdu; Bernaolak, berriz, bat egin eta zazpi galdu.