Bermeo Urdaibai taldeko Jon Unanue arraunlari azkoitiarrak Euskadiko Traineru Txapelketa irabazi zuen atzo, igandea, Lekeition (Bizkaia). Bermeoko arraun elkarteak erakustaldia eman zuen Lekeitoko uretan, eta nagusitasun osoz irabazi zuen txapelketa. Oriok eskuratu zuen zilarrezko domina, eta Donostiarrak brontzezkoa.
2017. urtean irabazi zuen azkoitiarrak azkenekoz Euskadiko Traineru Txapelketa, orduan klubaren historian seigarrena; atzoko garaipenarekin, zazpigarren aldiz lortu du Urdaibaik txapelketa irabaztea. Hori horrela, Hondarribiarekin eta San Pedrorekin berdinduta daude orain bermeotarrak, txapelketa ofizialeko garaipenak kontuan hartuta.