Bihar, asteazkena, Desgaitasuna duten pertsonen aldeko ondare babestua izeneko hitzaldia eskainiko du Teresa Lierni Fernandezek. Marea Urdinak antolatu du saioa udalaren babesarekin, eta besteak beste, ondare babestua zer den, onuraduna nor izan daitekeen, nola osatzen den, ondare babestuaren barruan zer sar daitekeen, abantaila juridikoak eta fiskalak zein diren, admnistratzailea nor izan daitekeen eta horren betebeharrak zein diren azalduko du Fernandezek.
Fernandez lizentziaduna da zuzenbidean, eta Gipuzkoako abokatuen elkarteko kidea da. Era berean, espezialista da zuzenbide zibilean, familia zuzenbidean, oinordetza zuzenbidean nahiz pertsonen aurkako delituetan. Izapide prozesaleko eta administrazioko irakaslea ere bada Fernandez. Marea Urdinako kideek jakinarazi dute hitzaldia gazteleraz izango dela.