Azkoitia Lagunkoiak eta Izarraitz Lanbide Heziketak, udalaren babesarekin, Azkoitiaren lagunkoitasun maila aztertuko dute, herriaren argazki bat egiteko asmoz. Mendekotasun Egoeran dauden Pertsonen Arreta zikloko ikasleek egingo dute lanketa, eta besteak beste, banketxeak aztertuko dituzte. Horretarako, banketxeetara bisitak egingo dituzte eta arduradunei galdetegi bat betetzeko eskatuko diete. Era berean, Kale Nagusian ibiliko dira ikasleak, eta herritarrak ere galdetegia betetzera gonbidatuko dituzte. Besteak beste, banketxeetarako irisgarritasuna, eten digitala, tratua eta zerbitzuak hartuko dituzte kontutan.