Martxoaren 8a da bihar, Emakumeen Nazioarteko Eguna, eta urtero bezala berdintasunaren aldeko aldarria zabalduko dute hainbat herritarrek kaleetan zein ikastetxeetan. Ikasle Abertzaleak antolakundeak, esaterako, bi ekintza egingo ditu Azkoitia BHIn, Lotzen gaituzten kateetatik askatzeko, emakume langileok borrokara batu! lelopean. Hasteko, hitzaldia izango da 10:45ean, eta horren ostean, elkarretaratzea egingo dute ikastetxearen atarian, 11:45ean. Horrez gain, herriko gainontzeko ikastetxeek ere Martxoaren 8ari loturiko ekintzak egingo dituzte ikasleekin.
Arratsaldean, bestalde, elkarretaratzea izango da Urola Erdiko Itaiak deituta. 18:30ean izango da mobilizazioa, plazan, Emakume langileok askatzeko sozialismoa eraiki! lelopean.