Musikaz bete da gaur Azkoitiko Andre Mariaren Jasokundeko parrokia; izan ere, Parrokiak eta Azkoitiko Udalak antolatuta, Gontzal Mendibilek eta Iraurgi abesbatzak kontzertua eskaini dute elkarrekin. Emanaldia 18:00etan hasi da, eta altarera igotzen aurrenak Mendibil, Maddi Otamendi, Angel Unzu, Jose Luis Canal eta Iñaki Dieguez izan dira. Hainbat abesti eskaini ostean batu dira emanaldira Iraurgi abesbatzako kideak, eta hainbat abesti eskaini dituzte elkarrekin. Iñaki Maidagan aritu da Iraurgi abesbatza zuzentzen. Jende ugari bertaratu da emanaldira, eta jendez bete dira parrokiako eserlekuak kasik atzeraino.
Parrokiak eta udalak antolatu dute emanaldia, garizuma asteari modu berezian hasiera emateko. Kontzertuan zehar San Juan Gurutzekoaren poema euskaratu eta musikatuak kantatu dituzte, besteak beste.