Korrika Batzordeak bigarren bilera egingo du datorren asteartean, hilaren 22an, Korrikaren 22. edizioa antolatzen jarraitzeko. Oraingo honetan, kilometroak banatzeko irizpideak adostuko dituzte, eta beste hainbat gai ere jorratuko dituzte. AEK-ko kideek 19:30ean jarri dute hitzordua, Elkarguneko Oteiza aretoan.
Martxoaren 31n hasiko da 22. Korrikaren Amurrion (Araba), eta apirilaren 8an, ostiralez, igaroko da Azkoititik, 14:00ak aldean. Euskararen aldeko egitasmoak herrian egingo duen ibilbideko kilometroak salgai dira, eta horretarako interesa duten erakundeek, enpresek nahiz herritarrek Azkoitiko AEKrekin jarri beharko dute harremanetan: azkoitia@aek.eus helbide elektronikora mezua idatzita edo 943-15 10 89 telefono zenbakira deituta.