Martxoaren 8a edo Emakume Langileen Nazioarteko Eguna antolatzeko, Urola Erdiko Itaiak asanbladak eta mobilizazioak deitu ditu. Aste honetan bertan egingo ditu lehen ekintzak. Hala eta guztiz ere, otsailaren 26an egingo dute Azkoitiko lehen ekintza; egun horretan, 11:00etan asanblada irekia egingo du taldeak Elkargunean.
Lehen asanblada irekia, ordea, ostiralean egingo du Urola Erdiko Itaiak; Zestoako Alondero aretoan izango da, 17:00etan hasita. Emakume langileok askatzeko, sozialismoa eraiki izenburupean egingo duten bilkura. Igandean, berriz, pankarta elkarretaratzea egingo dute Azpeitiko Gaztetxean, 17:00etan.
Martxoaren 8an bertan ere mobilizazioak deitu Urola Erdiko Itaiak. Azkoitiko plazan, Zestoako plazan bezala, 18:30ean egingo dute elkarretaratzea. Ekitaldi nagusia, ordea, Azpeitian egingo dute; han 19:30ean egingo dute mobilizazioa, plazatik abiatuta.