Hain zuzen, Azkoitiko kale eta auzo ia guztiak zeharkatu dituzte Meltxorrek, Gasparrek eta Baltasarrek. Errepide bazterrean zain izan dituzten neska-mutilen gutunak jasotzeaz gain, guztiak agurtzeko tartea hartu dute hirurek. Zenbait gaztetxo lasterka ere aritu dira Errege Magoen atzetik. Eta, noski, aurten ere ez dira falta izan "Ekarriko, ekarriko" zioten oihuak.
Azkoitiko hainbat gunetan haur eta guraso ugari elkartu da Meltxor, Gaspar eta Baltasar Errege Magoak noiz etorriko, eta denek gogoz agurtu dituzte. Arratsalde partean bi ordu pasatxoko ibilbidea osatu ondoren, gauean etxez etxe ibiliko dira Meltxor, Gaspar eta Baltasar, magiaz eta ilusioz jantzitako egun honetan.