Gaur, azaroak 1, Santu Guztien Eguna edo Domu Santu eguna da, eta ohiturari jarraituz herritar asko eta asko izan da goizean Azkoitiko hilerrian. Azken egunetan, hilobiak txukuntzen eta apaintzen jardun dute senitartekoek. Gaur, inoiz baino koloretsuago esnatu da herriko hilerria, lorez, apaingarriz eta kandelaz beteta ikus daitezke-eta hilobien bueltak.
Iaz, ezohiko irudia zuen hilerriak; izan ere, pandemia tarteko, oso jende gutxik egin zuen bisita hilerrira. Gaur, ordea, azaroaren 1eko ohitutari eusteko aukera dute herritarrek. Oinez zein autoz egin daiteke hilerrirako bidaia, Udaltzaingoa ari baita autoen joan-etorriak bideratzen. 21:00etara bitartean egongo da zabalik kanposantua, orduan itxiko baitute.