Astelehenaz geroztik martxan Uztaila Jolasean udaleku irekia. Udalekuetako kideek azaldu dutenez "izugarrizko gogoarekin eta ilusio handiarekin" ekin diete aurtengo udalekuei. Ohi bezala, HH eta LH mailako ikasleak banatuta arituko dira Uztaila Jolaseanen.
HHkoak piraten munduan murgilduko dira aurten, eta astelehenean, esaterako, taldeka beren bandera osatu behar izan zuten. Segidan, jolasak egin zituzten. LHkoek ere piratak hartu dituzte oinarri aurtengoan, eta beren ikurra aurkitu behar izan zuten pista batzuei jarraituta. Atzo, asteartea, izan zuten udalekuetako bigarren eguna.
Honako lotura honetan ikus daitezke asteleheneko eta astearteko argazkiak.