Mugikortasun eta ordutegi mugak altxatu ahala azken hilabeteetan etenda izan dituen hainbat autobus zerbitzu berreskuratzen ari da Lurraldebus. Horrela, bihartik aurrera Zumaia-Zumarraga (UK06), Zestoa-Eibar (UK45G) eta Zumaia-Azkoitia (UK46G) lineetan asteburuetako zenbait zerbitzu berriro martxan izango direla iragarri du La Guipuzcoana garraio enpresak.
Hauek dira, hain zuzen ere, bihartik aurrera ostiral edota larunbatetan eskualdean berriro erabilgarri izango diren autobus zerbitzuak:
- Zumaia-Zumarraga (UK06) linean, ostiral lanegunetan eta larunbatetan Zumarragako Ospitaletik 22:10ean irteten den zerbitzua. Azkoitian 22:30ean gelditzen da Altzibarren, eta 22:35ean Munibeko geralekuan.
- Zumaia-Azkoitia (UK46G) linean, hiru zerbitzu berreskuratuko dituzte:
- Ostiral gauetan Zumaiatik 23:20an irten eta Azkoitira gauerdian iristen dena.
- Ostiral gauetan Azkoititik gauerdian irteten dena.
- Larunbat gauetan Zumaiatik 23:45ean irten eta Azkoitira 00:15ean iristen dena.
- Zestoa-Eibar (UK45G) linean, Zestoatik 23:45ean irteten den zerbitzua. Azkoitian 00.05ean gelditzen da autobus hori.