Reala B taldeak Espainiako Bigarren Mailara igotzea lortu zuen atzo, zapatua, eta balentria horren protagonistetako bat izan zen Aritz Aranbarri futbolari azkoitiarra. Reala Bk Meridan (Badajoz, Espainia) jokatu zuen atzo igoera faseko azken partida, eta neurketaren luzapenean lortu zuten margailuan 2 eta 1 aurretik jartzea. Horrenbestez, datorren denboraldian Espainiako Bigarren Mailan ariko da Zubietako taldea.
Aranbarri partidaren hasierako hamaikakoan zelairatu zen atzokoan, eta partida ona gauzatu zuen. Garaipena ospatzeko, gainera, keinu berezi bat egin zuen azkoitiarrak: joan zen abuztuan moto istripuz hil zen Ugaitz Kerejeta Lagun Onakeko jokalari azpeitiarraren kamiseta jantzi zuen.