Gainera, egoitzako zaintzaileen eta erabiltzaileen artean "harreman estua" egon dela adierazi du Igoak, baita beste egoiliar batzuekin ere. Horrez gain, Igoaren esanetan kutsatzeak prebenitzera bideratutako prebentzio eta kontrol-neurriek "garrantzi handia" hartu dute egoitzan. Egoitzan koronabirus kasurik egon ez dadin, langileak "giltzarriak" izan direla adierazi du PSE-EEko kideak. Hori horrela, egoitzako langileek eta zuzendaritzak egindako kudeaketa "zoriondu" eta "eskertu" nahi izan du zinegotziak.
"Orain, txertaketetan izandako aurrerapenari esker, malgutu egin dira neurriak, eta Azkoitiko intzidentzia tasa jaitsi egin denez, egoiliarrek beren egunerokoa normalizatu dezakete, senitartekoekin paseo bat emateko mugarik gabe egoitzarik irtenez eta hori beren bizi-kalitatea hobetzeko orduan zeinen onuragarria den kontuan hartuta", adierazi du.
Bestalde, "kontu handiz" ibiltzeko eskatu die herritarrei zinegotziak. "Herriaren erdia oraindik txertatu gabe dago eta adinekoak babestu egin behar ditugu". Igoak, halaber, birusa "kontrolpean" izateko eta "olatu berri bat saihesteko", herritarrei arduraz jokatzeko eta prebentzio neurriak betetzeko eskatu die, hala nola maskara erabiliz eta segurtasun tartea nahiz higienea zainduz.