Azkoitiko Gazte Asanbladak antolatuta, La cortina de humo filmaren emanaldia izango da asteartean, Matadeixen. 18:30ean hasiko da emanaldia, eta ondoren, eztabaidarako tartea izango da.
La cortina de humo 1997an AEBetan ekoiztutako filma da, eta Dustin Hoffman eta Robert de Niro dira aktore nagusiak. Honako hau da lanaren sinopsia: "Hauteskundeetarako hamar egun falta direla, adin txikiko bati sexu abusuak egitea leporatu diote presidenteari. Prentsaren fokua desbideratzeko, gerra bat sortuko dute Albanian".