Eskuz Binakako Promozio mailako Txapelketaren finalerdietako ligaxkari dagozkion bi pilota partida jokatuko zituzten atzo Azkoitiko Gurea pilotalekuan. Hain zuzen ere, joan den asteburuan finalerdietara sailkatzeko kanporaketak jokatu ondoren, atzo Gurean ekin zieten finalerdietarako ligaxkako partidei.
Lau bikote aritu ziren nor baino nor, eta frontoian ikuslerik ez zen arren, ikuskizuna eskaini zuten pilotariek. Lehen partidan, Zabalak eta Tolosak —Erostarbe ordezkatu zuen— osatutako bikoteak Salaberria eta Etxeberria izango zituen aurkari. Zabala eta Tolosa 6 eta 17 atzetik jarri ziren arren, partidari buelta eman eta 22 eta 21 irabazi zieten Salaberriari eta Etxeberriari.
Bigarren partidan, berriz, Elordi eta Garmendia bikoteak Alberdiren eta Salaverri II.aren aurka jokatu zuen, eta azken horiek izan ziren garaileak, 18 eta 22 eginda.
Bigarren Mailako txapelketan Aspe enpresa da nagusi; izan ere, finalerdietara sailkatu diren lau bikotetatik hiru Aspe enpresakoak dira: Salaberria-Oier Etxebarria, Zabala-Tolosa eta Elordi-Garmendia dira Aspekoak, eta Alberdi-Salaverri II.a Baikokoa.