Azkoitiko sarreran edo Azkoitiko irteeran, Zumarraga aldera joateko biribilgunean edo Urretxutik Azkoitira sartzeko errotondan, bi mural berri ikus daitezke. Eta ez edonolako muralak. Irudi ikusgarriak sortu berri dituzte Udane Juaristi eta Gorka Larrañaga artista azkoitiarrek, eta horiek gertutik ikustera nahiz proiektuaren inguruko xehetasunak ezagutzera hurbildu gara bertara, eta Juaristirekin eta Larrañagarekin aritu gara solasean.