Koronabirusaren krisia iristearekin batera eten zituzten entseguak eta emanaldiak musika bandako kideek. Uztailean ekin zieten berriro entseguei, eta abuztuan, Andramari jaietan, hainbat kale zeharkatu zituzten herritarrak musikarekin alaitzeko asmoz. Ordutik emanaldirik eman gabe daude, eta asteburu honetan joko dute aurreneko aldiz jendaurrean.
Eneritz Jauregik zuzenduta, Les Misérables, 1812 eta Huapango abestiak joko dituzte lehendabizi. Ondoren, beste bi kanta joko dituzte Carlos Muñozen gidaritzapean: Oregon eta Tannhäuser. Emanaldia zapatuan, hilak 3, izango da Baztartxo antzokian, 19:00etik aurrera.