Konfinamenduaren ondoren, joan den zapatuan hasi zituen Txalkor txistulari taldeak zapatu goizetako eresiak. Hamabi lagunek osatzen dute txistulari taldea, baina azkeneko kalejiran hamar lagunek parte hartu zuten.
Kalejira egiteko bi metroko distantzia utzi behar izan zuten musikariek. Hori horrela eginda "arraro" sentitzen zirela adierazi dute Txalkorreko kideek, eta horregatik eresia Kontzejupean egitea erabaki zuten. Udaletxe azpian pieza batzuk jo ondoren, jendearen txaloak entzun eta txistua jotzen jarraitu zuten, plazaz plaza. Utzitako bideo hau, esaterako, joan den larunbatekoa da.
"Jendeak oso harrera ona egin zigun txistularioi, gustura hartu zuten", azaldu du Pello Larrañaga txistulariak. Konfinamenduaren aurretik zapaturo egiten zuten moduan, datorren zapatuan ere berriro aterako dira txistulariak kalera goiz-eresia egitera.