Ane Aranbarri azkoitiarrak, Aritz Orbegozo azpeitiarrak eta Maider Gaztañaga ordiziarrak mahai-ingurua eskaini dute gaur arratsaldean, Elkargunean. Zubiaurre igeri elkarteak, Marea Urdinak eta Instalakuntza Duinak Orain taldeak antolatutako ekitaldiak herritarren ikusmina piztu du, eta 60 lagun inguru elkartu dira bertan. Xabier Barquero arduratu da moderatzaile lanetaz, eta hiru kirolariek emaitzen eta marken gainetik kirolak dituen beste aurpegiak erakutsi dituzte.
