Ingelesa eta alemana praktikatzeko aukera, Gaztanenea Formakuntza Zentroan

Udaleko Hezkuntza sailak antolatuta, Gaztanenea Formakuntza Zentroak ingelesa eta alemana praktikatzeko proposamenak eskainiko ditu aste honetan ere.

Bihar, martxoak 27, alemanez solasaldia izango da “Alemanen izaera, gizarte ohiturak eta jerarkia, festak, gastronomia” izenburupean eta solasaldiaren ostean, partaideak kalera aterako dira hizkuntza praktikatzen jarraitzeko. 18:00etan izango da hitzordua Gaztanenea Formakuntza Zentroan.

Hilaren 28an, ostegunean, berriz, nahi dutenek parada dute pintxo-potea ingelesez egiteko, jatorrizko hiztun batek lagunduta. Parte hartu nahi dutenak Gaztanenean bilduko dira 19:30ean.

Ekimen biak irekiak eta doakoak dira.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide